fbpx
Our website use cookies to improve and personalize your experience and to display advertisements(if any). Our website may also include cookies from third parties like Google Adsense, Google Analytics, Youtube. By using the website, you consent to the use of cookies. We have updated our Privacy Policy. Please click on the button to check our Privacy Policy.

健康小知識

Drug Icon CC 教你解讀食藥時間💊👀

你對食藥時間係咪「並未望通,我搞不懂」?「日服4次」係咪即係每6個鐘就要食一次?咁咪瞓瞓吓都要起身食藥?😱😱

「日服4次」一般建議4到6個鐘左右食一次。計算食藥間隔時間,記得扣返睡眠時間,先除返4啊😉

一般食藥時間⏰
💡「日服4️⃣次」:早、午、晚同睡前食藥
💡「日服3️⃣次」:早、午、晚食藥
💡「日服2️⃣次」:早、晚食藥
💡「日服1️⃣次」:早/晚時段食藥,如利尿劑多數會喺朝早食,避免導致夜尿太多😴

🌟更多 #食藥時間 嘅資訊,可click入👉 www.drugicon.cc
🌟部份藥物或針劑有嚴格服藥時間限制,以上指引僅適用於一般情況,請以醫生處方及藥劑師指示為準。

因乜解究食藥要分飯前/後🍚🤔?

食藥傷胃?飯前食藥就更傷胃?造成飯前/後嘅服用差別,主要係因為藥物會同食物產生交互作用,而影響藥效👩‍⚕️一齊嚟了解更多啦👩‍🏫

飯前服藥嘅常見原因:
1️⃣避免胃部酸鹼值影響藥物吸收,如抗柏金遜藥物
2️⃣食物容易同藥物產生交互作用,令血液中嘅藥物濃度過高或過低,影響藥效😱

飯後服藥嘅常見原因:
1️⃣減少藥物引致胃部不適、嘔吐等常見藥物副作用,如部份非類固醇消炎止痛藥
2️⃣藉食物消化過程,有助藥物吸收,如HIV藥物ritonavir💊

🌟飯前/後即係指幾時?查看更多可click入👉 www.drugicon.cc
🌟部份藥物或針劑有嚴格服藥指引,以上資訊僅適用於一般情況,請以醫生處方及藥劑師指示為準。

需要時服用?即係點🤯?

有啲藥標明「需要時服用」,咁係咪可以食完又食😂

梗係唔得🙅‍♂️ 因應唔同藥物/情況,「需要時服用」會有唔同意思。大家要留意用藥指引,如紓緩傷風感冒症狀嘅藥💁

唔好因為想快啲好,就重覆食藥,以免服用過量而造成藥物中毒、或肝衰竭☠️

💡見到「需要時服用」,就要睇清楚用藥指示啦!

🌟更多 #需要時服用 嘅資訊,可click入👉 www.drugicon.cc
🌟部份藥物或針劑有嚴格服藥時間限制,以上指引僅適用於一般情況,請以醫生處方及藥劑師指示為準👨‍⚕️

一粒定兩粒藥,睇清份量先好食🧐!

每日要食太多藥,唔記得每種要食一粒定兩粒?唔係靠估,係靠睇清睇楚👀

你可以用 #藥物圖標貼紙,貼上 #一粒 或 #兩粒 嘅指示,咁就一目了然!記得按照醫生或藥劑師指引用食藥,唔好隨意更改服藥份量呀!

🌟更多 #服藥份量 嘅資訊,可click入👉 www.drugicon.cc
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

你有冇將藥物正確切半💊?

遇到要將藥物切半嘅情況,係咪直接用手分半都得🤔🤔

唔好啊!!隨意用手指、刀、鉸剪分半藥物✂️會令藥物容易碎裂同唔穩定,亦唔好事先切割藥物,以免因空氣或濕氣,而降低藥性,影響藥效😱有指定嘅藥物要分半,就記得用返正確工具如「切藥器」啦!

有需要都可以去藥房/網上零售商購買切藥器,並向醫生或藥劑師查詢啊!

🌟更多 #服藥份量 嘅資訊,可click入👉 www.drugicon.cc
🌟部份藥物或針劑有嚴格服藥份量、次數及時間限制,以上指引僅適用於一般情況,請以醫生處方及藥劑師指示為準。

食藥一茶匙,用啱工具好重要🥄!

藥呢就1茶匙,但身邊冇藥匙,用住餐具嘅茶匙先得唔得💁

千祈唔好啊🙅 🙅‍♂️!1茶匙份量相當於5毫升,餐具用嘅茶匙容量就由2.5毫升至10毫升不等。所以,就咁拎佢嚟量藥水,好易令實際服用劑量同處方劑量有差異,影響到治療效果😰

👩‍⚕️ 👨‍⚕️如果身邊冇藥匙,就到藥房或診所買啦!或者買口服注射器都得,易用又準確,咁就減少到出現量錯劑量嘅問題啦!

🌟更多 #服藥份量 嘅資訊,可click入👉 www.drugicon.cc
🌟部份藥物或針劑有嚴格服藥份量、次數及時間限制,以上指引僅適用於一般情況,請以醫生處方及藥劑師指示為準。

藥放雪櫃能否存放更久🥶?

食物放入雪櫃可以保鮮防潮,啲藥放入雪櫃,係咪都冇咁易壞😲?

雪櫃唔係萬能㗎🙅✨!藥物保質期唔會因冷藏就延長,有啲藥如止咳藥水放入雪櫃嘅話,仲會因存放溫度太低而令藥物變質,影響到藥效😰

🌟所以,除非註明要冷藏,否則只需要放喺室溫,即大約攝氏25至30度以內就好‼️如有疑問,請向醫生協助確認!

💥記得睇清楚藥物標籤,跟指示將藥物放喺合適環境!
💥想輕鬆又妥善存放好藥品?用埋我哋個 #藥物圖標貼紙 幫手,就唔怕會放錯啦!
點撃連結即可下戴:https://drugicon.cc/download/

🌟更多 #藥物儲存 嘅資訊,可click入👉 www.drugicon.cc
🌟部份藥物或針劑有嚴格服藥份量、次數及時間限制,以上指引僅適用於一般情況,請以醫生處方及藥劑師指示為準。

點解藥物要避光保存?☀️💊

【健康小知識】 點解藥物要避光保存?☀️💊
其中一種藥物保存方法係避免藥物受陽光照射🤔? 咁樣可以令藥物發揮到最佳效果?

有啲要「避光線照射」💁‍♀️嘅藥物,如「硝酸甘油」其有效成分好容易揮發, 遇光線會慢慢分解而失效😰 所以,為免藥物變質而失去藥效,甚至因而影響健康,就要記得避光儲存☀️

🌟更多 #藥物儲存 嘅資訊,可click入👉 www.drugicon.cc
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

完成整個藥物療程,真係咁重要💊🤔?

平時食感冒藥,症狀消失就停得藥😷咁係咪咩藥都可以自行停藥先?

唔好亂咁嚟啊‼️有啲藥如抗生素,就千祈唔好未完成療程就停藥。咁樣唔止消滅唔到細菌,仲會助長產生抗藥性㗎😱

🌟想知更多服用 #抗生素 嘅注意事項,可click入👉 www.drugicon.cc
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

點解咳藥水要搖匀先飲🧐?

一時唔記得搖勻咳藥水,就直接俾咗小朋友飲,係咪真係好小事😳

咳藥水一般係由藥物混合糖漿而成,放置期間啲藥會沉澱㗎😧 如果唔搖勻就飲,呢啲沉喺底嘅藥,就唔能夠同糖漿混合均勻,導致藥物濃度分佈不均喇💁‍♀️

即係話,最先飲落肚嘅藥水會唔夠藥力,最後飲嘅又會因為啲藥沉哂喺底,而導致藥力太勁啊🤯🤒

🌟用埋 #藥物圖標 嘅 #搖勻 貼紙提自己,咁就唔會唔記得啦!
點擊即可下載👉 https://bit.ly/3l74m95
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

點解有啲藥物要整粒吞,唔好咬碎💊🧐?

啲藥太大粒,難吞仲容易「哽親」,切開或咬碎先食得唔得?

藥丸、膠囊嘅藥物設計,通常係為咗延緩藥物釋放速度,等到小腸先發揮功效。如長效型藥物嘅降血壓藥💊,如果貪方便切開或咬碎服用,可能破壞原有藥物設計而令藥效太快釋放,導致血壓一下子降得太多,反而會增加低血壓或發生副作用嘅可能😧

如果覺得藥物太難吞,就應該先同醫生討論,唔好自行咬碎及磨碎藥物喔!

🌟更多 #服藥方法 嘅資訊,可click入👉 www.drugicon.cc
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

以藥配酒,得唔得㗎🤨?

飲完酒隔一陣先食藥,係咪就唔會有事💊🍺

就算唔係同時服食,因酒精會喺體內停留一段時間,都可能會同藥產生交互作用㗎🍸🍻。影響藥效之餘,又會增加發生副作用嘅風險🤒

部分常見藥物同酒精併服,會產生交互作用:

1️⃣ 降血壓藥➕酒:或會引致嚴重低血壓。
2️⃣ 安眠藥➕酒:可能造成嗜睡😴💤,甚至呼吸困難😵

🌟所以話呢,食藥期間就唔好飲酒,或者含有酒精嘅飲品啦🙅🍷

🌟更多 #避免酒藥同服 嘅資訊,可click入👉 www.drugicon.cc
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

你知唔知點解食某啲藥,需要飲一大杯水🤷💧?

咩話!?食藥飲唔夠水,可能會導致藥物性食道炎?係真唔係啊😧

真㗎!飲水量唔夠,唔好以為只係「卡」住食道咁簡單,嚴重起嚟會造成食道潰瘍同穿窿㗎😰

一般嚟講,食藥通常配一杯水就夠。但某啲藥如止痛藥「阿斯匹靈」💊,因容易刺激食道,就要飲多過一杯水啦。又如食佈洛芬等退燒藥,都要多飲水嚟預防脫水,同減少藥物對肝腎損傷啊!

⚠️不過呢,如果係患有腎病者,食藥飲水量就要先同醫生溝通,以免加重身體負擔啊!

🌟想知食藥要飲幾多水?可到以下連結參考👉https://drugicon.cc/zh/the-drug-icons/
🌟更多 #服藥方法 嘅資訊,可click入👉 www.drugicon.cc
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

點解有啲藥片要咬碎食😧?

唔少藥片都需要整粒吞服,但有啲反而咬碎食會好啲🤷 🤷‍♂️

某啲藥片咬碎吞服,係為咗快啲被吸收💁‍♀️。如咀嚼片劑型嘅抗酸劑,本身吸收效果較慢。咬碎後可增加同胃酸接觸嘅表面積,就能迅速被分解,以便即時達到中和胃酸同化胃氣效果😤💨

咬碎食定成粒食,令你好易撈亂😫
👇立即下載 #DRUGICONCC #咬碎吞服 貼紙,Mark實佢就唔怕亂啦!
https://bit.ly/3l74m95

想重溫返早前嘅 #整粒吞服 post?
👉https://www.facebook.com/drugicon.cc/posts/452955279786919

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

濫用防腐劑眼藥水,會有咩後果👀?

對得電腦「Mon」太耐,對眼好易乾同埋攰。咁滴多啲眼藥水,係咪會紓緩得快啲🖥💧💧

唔好咁做啊🙅!唔少市面上嘅眼藥水,都含有防腐劑。長期過量使用有防腐劑嘅眼藥水,就好易導致眼睛過敏,甚至可能會損害到角膜㗎!

🛎一般嚟講,防腐劑眼藥水每日最多用4次就好啦!

🌟想知更多使用眼藥水/眼藥膏嘅方法,可click入👉 www.drugicon.cc
🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

滴耳藥水的常見用途和成分👂💦

知唔知咩係滴耳藥水?又可以用嚟做啲咩🤔

滴耳藥水主要係用嚟治療耳部感染,或清除耳垢💁‍♀️💩

常用滴耳藥水所含成分,主要可分為三大類別:
1️⃣ 抗生素
2️⃣ 抗黴菌素
3️⃣ 耳垢軟化劑

🛎 前兩種通常係喺耳部有細菌/黴菌感染時所使用,而軟化劑就會喺耳垢乾硬,難以取出時所使用。

🌟想知滴耳藥水嘅正確使用方法?
👉可Click入:https://drugicon.cc/the-drug-icons-2/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

亂用減充血噴鼻劑,會有咩後果👃🤔?

有鼻敏感嘅你,有冇用過噴鼻劑呢?用藥期間又有冇試過「越噴越塞」呢🤧💦

市面上標榜冇類固醇成分嘅鼻噴劑,都屬減充血劑。雖然喺短時間內可紓緩鼻塞,但只具短暫紓緩功效。

長期持續使用可能會引致藥物性鼻炎,鼻膜會更為腫脹,令鼻塞亦越發嚴重啊🤦‍♀️ 🤦!

🌟記得呢類通鼻噴劑,唔好連續用多過5日啊!

🌟想知噴鼻劑/滴鼻藥水嘅正確使用方法?
👉可Click入:https://drugicon.cc/the-drug-icons-2/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

白花油可唔可以內服㗎😟💮?

家居必備嘅白花油,講到明「只供外用」。但網上流傳話內服可驅腸胃積氣,具止痛功效,到底係咪真係得㗎💨😰

寫到明「只供外用」,就唔好飲落肚啦🙅 🙅‍♂️!白花油含有水楊酸甲酯及樟腦呢兩種成分,唔小心吞服會引致肚痛、嘔吐、頭痛同暈眩等不良反應🤢🤮😷

另外,外用時亦記得要避免接觸到傷口、眼睛同黏膜啊💉👀

🌟想知更多有關使用外用藥物嘅注意事項?
👉可Click入:https://drugicon.cc/the-drug-icons-2/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

用吸入性類固醇,有咩要注意⚠️?

患有哮喘嘅你,有冇用過吸入性類固醇💨?有冇試過用用吓出現「爛嘴」👄🩸

呢類藥物主要用嚟治療或預防氣管發炎,並以吸入形式直到肺部🌬。但使用過程中,類固醇好易殘留喺口腔,因而容易造成「爛嘴」😲

所以,用完就記得要漱口啦💧!呢個步驟可減少出現如口乾、聲音嘶啞及口腔感染,即生「鵝口瘡」嘅副作用㗎🧏‍♀️ 🧏‍♂️

🌟想知點用壓縮吸入器?
👉可Click入:https://drugicon.cc/zh/the-drug-icons/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

點解脷底丸要放喺脷底👅💊?

想脷底丸快啲舒緩到心絞痛,直接咬碎/成粒吞唔係會更好咩😧🤔

唔好咁做啊!咬碎或者吞服食,反而會失去藥效😱!其實正因為係含咗喺脷底,脷底丸先至會咁快見效㗎。啲藥喺口腔內慢慢溶化後,就可經舌下嘅微絲血管所吸收,再透過血液直到心血管,而毋須經過消化系統‼️

呢個服藥方法,除咗能令藥物迅速被吸收,仲可避免肝臟出現首過效應㗎💁‍♀️

🌟想知服用硝酸甘油(脷底丸)時有咩要注意?
👉可Click入:https://drugicon.cc/zh/the-drug-icons/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

用完肛門栓劑,要等幾耐先可排便💩🚾?

弊嘞!塞完栓劑冇耐,突然好有便意!點算好😫🚽

其實呢種用完栓劑所產生嘅便意,一般會喺藥物溶化後就會消失。除非你係用通便栓劑啦,如果唔係塞完藥一個鐘頭以內,都唔好排便住啊🕙💁‍♀️!畢竟啲藥要喺體內停留一段時間,先可以進入血液,充分發揮到藥效㗎🧚‍♀️💊

🔔每次用之前,最好就事先排空吓啲便便啦‼️

🌟想知肛門栓劑嘅正確使用方法?
👉可Click入:https://drugicon.cc/the-drug-icons-2/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

經期來時,應繼續使用陰道栓劑嗎🤨❓

用緊陰道栓劑個時,撞正月經來潮。咁到底要停定唔停用好呢🤯🚫

如果你用緊嘅栓劑係有療程嘅話,就唔好無啦啦停用啦!呢種情況下,即使經期已開始,都要跟足指示完成哂整個療程㗎💁‍♀️💊

📢提提大家:用藥期間,因衛生棉條多少都會吸收到啲藥,最好都係用返衛生巾啦😉

🌟想知陰道栓劑嘅正確使用方法?
👉立即Click入:https://drugicon.cc/zh/the-drug-icons/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

點解有啲感冒藥,食完會咁眼瞓😴?

平時食完感冒藥,有冇試過眼瞓到集中唔到精神呢💤?原來係因為呢個成分啊!

某啲感冒藥中,含有令人產生睡意嘅「抗組織胺」成分。例如第一代抗組織胺藥物Diphenhydramine、Chlorpheniramine等,就有令人昏昏欲睡嘅副作用😪💊

至於新式抗組織胺藥物如Cetirizine、Loratadine等,雖較少引起睡意💁 💁‍♂️。但為安全起見,都係唔好揸車住啦❌🚘

🌟想知仲有邊啲藥,都好易產生睡意?
👉可Click入:https://drugicon.cc/zh/the-drug-icons/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

懷孕期間可以食成藥嗎💊🤰?

你係咪怕會影響到胎兒健康,所以有病都唔敢食藥🤧 😷?到底大咗肚係咪就咩藥都唔食得😫

只要每次用藥,都遵從醫生指示服藥,適當用藥係唔會影響孕婦或胎兒嘅健康🤰👶。但一般嚟講,都係唔好自己亂買成藥嚟食🙅

如消炎止痛藥布洛芬(Ibuprofen),佢喺頭兩個懷孕周期有很高嘅安全性。但到咗第三個懷孕周期,就反而會引起如羊水過少、增加胎兒腎臟問題嘅風險🤦 🤦‍♂️

💖所以話呢,用藥前要先諮詢醫生,俾佢哋衡量返藥物對孕婦嘅潛在風險啊👩‍⚕️👨‍⚕️

🌟想知更多 #孕婦忌用 嘅注意事項?
👉可Click入:https://drugicon.cc/zh/the-drug-icons/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。

點解食完光敏性藥物,要避免曬太陽🚫🌞?

平時都要做足防曬,但原來食完呢啲藥,就更加唔曬得⛱ 🔆?

某啲藥物如抗生素、抗真菌藥同降膽固醇藥,都可能含有光敏性成分💊😱。當你食完呢啲藥,再曬太陽嘅話,陽光中嘅紫外線(UV)就會改變藥物嘅構造,導致藥物光敏感反應😷☀️‼️

呢種過敏反應,同曬傷症狀相似,如會起皮疹、同皮膚出現水泡等等😣。

🌟所以話呢,無論食咩藥之前,記得一定要睇清楚藥物標籤👀✨。

🌟想知更多服用 #光敏性藥物 嘅注意事項? 👉可click入 https://drugicon.cc/zh/the-drug-icons/

🌟部份藥物或針劑有嚴格服藥份量,次數及時間限制,以上指引僅適用於一般情況,請以醫生處方及藥劑師指示為準。